Sjellja e çdo shenje të zodiakut kur është në plazh…

Ka nga ata që preferojnë të kalojnë orë e orë nën një ombrellë dhe nga ata që preferojnë të kalojnë tërë ditën në ujë. Horoskopi na ndihmon të njohim sjelljen e çdo shenje të zodiakut kur jemi në plazh.

Dashi

Plazhi është një nga vendet e juaja të preferuara për t’u çlodhur apo për t’u argëtuar në shoqërinë e miqve tuaj. Mund të kaloni orë e orë të tëra shtrirë në diell për t’u nxirë ose në ujë për të notuar dhe për të tonifikuar trupin tuaj.

Demi

Është e lehtë të njohësh veten në plazh, sepse thuajse gjithmonë shihesh i shtrirë në një shtrat të rehatshëm, me një kapele në kokë për të shmangur ‘goditjen’ nga nxehtësia dhe me një pako patate të skuqura në dorë dhe i përgjumur ndërsa lexon një gazetë.

Binjakët

Nuk mund të qëndroni kurrë në plazh pa folur. Gjithmonë ke kufje dhe bisedon me njerëz. Kur shkëputeni nga celulari, jeni gati të bisedoni me fqinjët e çadrës dhe me të gjithë shitësit ambulantë, të cilët zakonisht arrijnë t’ju bëjnë të blini atë që duan.

Gaforrja

Janë disa zakone nga të cilat nuk mund të hiqni dorë, si për shembull të shkoni në plazh me të gjithë familjen, të merrni dy-tre çadra, disa shezlonge dhe të paktën një dyshek për të luajtur në ujë me fëmijët.

Luani

Plazhi është vendi i përsosur për të nxjerrë në pah të gjithë aksesorët që keni blerë për verën. Nuk po flasim vetëm për rrobat e banjës shumëngjyrëshe, por kapelet tuaja prej kashte, vathët, peshqirin e plazhit apo shapkat tuaja ngjyrë ari.

Virgjëresha

Zakonisht shiheni duke mbërritur në plazh në momente kur dielli nuk është shumë i fortë. Kështu mund të shijoni lindjen ose perëndimin e diellit. Keni gjithmonë me vete kompletin që ju nevojitet për të parandaluar djegiet nga dielli ose për të ndërhyrë në rast se ju pickon një kandil deti.

Peshorja

Njiheni mjaftueshëm në plazh sepse mbani gjithmonë veshjet më të fundit të modës. Kështu ju vishni kostumin identik me atë të personazheve të Isola dei Famosi ose përdorni peshqirin e plazhit nga Chiara Ferragni.

Akrepi

Është më e lehtë të të shohim në plazh në mbrëmje, të shikosh yjet, sesa ditën nën diell. Ju urreni të kaloni orë e orë nën diellin përvëlues, me rërën që ndoshta ngjitet në çdo pjesë të trupit. Gjithashtu, në momentet e pikut ka gjithmonë shumë zhurmë për shijen tuaj dhe nuk e vlerësoni faktin që ka kaq shumë çadra pranë tuajave. Vetëm kur jeni në ujë mund të zbuteni pak.

Shigjetari

Zakonisht merrni me qira një çadër, një shezlong dhe rezervoni një varkë me pedale për të shkuar në ujë dhe për t’u argëtuar me partnerin ose me miqtë tuaj.

Bricjapi

Dikush duhet t’ju ndalojë të merrni kompjuterin tuaj në plazh sepse, shumë shpesh, ju shiheni duke punuar nën një çadër në vend që të jeni në ujë ose të luani me fëmijët ose miqtë tuaj. Nëse vërtet dëshironi të jeni të zënë, mund të merrni gjithmonë një libër me vete.

Ujori

E rëndësishme për ju është që të mos ju imponohen rregulla absurde se si të silleni në plazh. Ju bëni çdo gjë për të mbledhur atë që njerëzit e tjerë kanë lënë pas.

Peshqit

Më shumë se të jesh në plazh, të pëlqen të jesh në ujë dhe shumë shpesh të frekuentosh plazhet pa njerëz. Jeni shumë dashamirës me njerëzit që takoni dhe ndonjëherë bashkoheni me ata që ndërtojnë kështjella të mëdha me rërë, të cilat ju bëjnë të mendoni përsëri fëmijërinë tuaj./ Top Albania Radio

Top Channel