Big Market përgënjeshtron lotarinë e rremë: Kujdes me të dhënat!
08/07/2022 20:35
E rëndë në Tiranë, 26-vjeçarja hidhet nga kati i pestë i pallatit ku banon 01/05 22:25
Një lotari e rremë është shpërndarë së fundmi nëpër rrjetet sociale, e cila u kërkon individëve të japin të dhënat e tyre në këmbim të një celulari iPhone.
Ndonëse kjo lotari dërgohet në emër të rrjetit më të madh të supermarketeve “Big Market”, ende nuk dihet burimi i saj, pasi kompania shqiptare ka dalë sot në një deklaratë publike duke u distancuar nga të tilla praktika të paligjshme dhe fton të gjithë klientët e saj të tregojnë kujdes me të dhënat e tyre dhe të mos marrin pjesë në këtë mashtrim, i cili synon vjedhjen e të dhënave personale.
Në deklaratën për shtyp, marka shqiptare “Big Market” rikujtoi se të gjitha llotaritë që ajo zhvillon, kryhen në mënyrë ligjore dhe nëpërmjet kanaleve zyrtare. Çdo përdorim i identitetit të tyre pa miratim dhe për qëllime të dyshimta është një akt i paligjshëm, i cili do të ndiqet penalisht.
Përveç logos së vjetër të markës, një tjetër element i dyshimtë është edhe shqipja e përdorur nga kjo llotari, e cila duket e përkthyer keq dhe një përshtatje e sajuar e gjuhës angleze.
Në mbyllje të thirrjes së saj për klientët, marka “Big Market” rikujtoi edhe një herë përdoruesit e rrjeteve sociale që, për çdo iniciativë apo lajm të verifikojnë gjithmonë vërtetësinë dhe burimin e informacionit.
Top Channel
