I akuzuar për shpërdorim detyre/ Kalon për gjykim çështja ndaj ish kryebashkiakut të Himarës, Jorgo Goro 15/11 11:02
Dakortësia mes socialistëve dhe demokratëve është një shfaqje e rallë në Kuvend, por jo e pamundur.
Të majtë dhe të djathtë harruan ndasitë në Komisoni ne Ligjeve dhe u rreshtuan në të njëjtin krah për të kritikuar Këshillin e Lartë të Prokurorisë, duke e vënë para përgjegjësisë për mosbatim të detyrave që ligjvënësi i caktoi për vitin 2021.
Majko: Rekomandimi i Kuvendit për nxitjen e bashkëpunimit te Këshillit te Lartë të Prokurorisë me Prokurorin e Përgjithshëm nuk ka gjetur zbatim. KLP ka emëruar 4 Prokurore duke mos përmbushur rekomandimin e Kuvendit . Rregullorja e vlerësimit etik dhe profesional të Prokuroreve nuk është miratuar në 2021 dhe ky është rekomandim i paplotësuar. Mendoj zonja Bushka se këtë ju duhet ta konsultoni me kryetaren e Kuvendit pasi është një rast vërtet i radhë që një institucion nuk ka rekomanduar kaq gjerësisht rekomandimet e dhëna.
Bardhi: Është e pajustifikuar, është viti i katërt i punës i KLP dhe nuk janë miratuar aktet nënligjore. Një nga aktet qe nuk është zbatuar janë rregullat sesi ngrihen magjistratët ne detyre. Qe do thotë mosmiratimi i një akti te tille bën që Këshillin e Lartë të Prokurorisë të ngrejë ne detyrë Magjistratë të caktuar sipas interesit të momentit.
Por, mirëkuptimi mes PS dhe PD nuk zgjati shume. Palët u ndanë serish për hartën e re gjyqësore dhe institucioneve që duhet të mbajnë përgjegjësi për kaosin e krijuar. Demokratët akuzuan Këshillin e Lartë të Prokurorisë për indiferentizëm, ndërsa socialistët e morën ne mbrojtje.
Top Channel
