“Shoqen tonë e bëmë ministre dhe nuk erdhi as në mbledhje, do ta bëj të skuqet”, kush është ish-ministrja që nuk iu përgjigj Metës në telefon 19/04 23:04
Taulant Balla kreu grupit parlamentar socialist dorëzoi në kuvend paraditen e të enjtes, projekt rezolutën për Srebrenicën, të cilën Sali Berisha dhe deputetët e tij u munduan pa sukses t’ja çonin kuvendit.
Fillimisht ishin deputetët e Berishës ata të cilët, dy muaj më parë, tentuan të fusin në rendin e ditës rezolutën e tyre por u rrëzua në konferencën e kryetarëve.
Sali Berisha më pas akuzoi Ramën se me mos futjen në rend dite të rezolutës së tij po luante lojën e Aleksandër Vuçiçit.
Kjo draft rezolutë do të diskutohet dhe miratohet në një seancë të posaçme caktuar për datën 7 Korrik disa ditë përpara 11 korrikut e cila është Dita e Përkujtimit të gjenocidit në Srebrenicë.
Miratimi rezolutës mund të shihet si edhe një manovër politike e shumicës së Edi Ramës, pasi data e zgjedhur për tu miratuar përkon me ditën e protestës së thirrur nga Sali Berisha.
Në këtë rezolutë e cila përmban disa pika, konfirmohet qëndrimi Parlamentit të Shqipërisë se mohimi i gjenocidit të kryer ndaj popullatës boshnjake në Srebrenicë nga forcat serbe të Bosnjës përbën shkelje të ligjit ndërkombëtar, nxit fenomenin e pa-ndëshkueshmërisë ndaj krimeve të luftës.
Për të marrë pjesë në këtë seancë të parlamentit të Shqipërisë janë ftuar edhe përfaqësues nga qeveria e Bosnjë Hercegovinës dhe familjarë të viktimave të Srebrenicës.
6,838 boshnjakë u ekzekutuar nga ushtria serbe në vitin 1995.
Ky gjenocid është vlerësuar si më i tmerrshmi në Europë pas Luftës së Dytë Botërore.
Top Channel
