“Serbia nuk luan dot me Kosovën”/ Deputeti gjerman, Thomas Hacker: Bisedime të reja pas zgjedhjeve
24/11 12:24
Në Bruksel negociatorët e Kosovës dhe Serbisë arritën marrëveshje për energjinë elektrike në katër komunat veriore të vendit.
Me udhëzimin për zbatim të marrëveshjeve të mëhershme, do të bëhet inkasimi i faturave në Mitrovicë të Veriut, Zubin Potok, Zvecan dhe Leposavic.
E qytetarët e këtyre komunave që nuk kanë paguar asnjë faturë që nga paslufta janë të gatshëm të fillojnë me pagesat.
“Nëse paguajnë krejt atëherë edhe unë. Nëse krejt paguajnë pse jo”- tha një qytetar.
“Është ende herët. Ende s’ka nisur. Do të nisë për një muaj, por e paguajmë” – tha një qytetar.
“Nuk kam kundër pagesës së rrymës. Është detyrim normal, do ta paguajmë” – tha një qytetar.
Megjithatë, pati edhe nga ata që nuk ishin të informuar për marrëveshjen.
“Çfarë marrëveshje. Nuk ia kam idenë” – tha qytetari.
Që nga viti 1999 deri në vitin 2017, energjia elektrike e shpenzuar nga banorët e komunave veriore të vendit u është faturuar banorëve të tjerë të Kosovës. Ndërkaq nga 2017 Qeveria e Kosovës ndanë rreth 100 milionë euro në vit për të mbuluar shpenzimet e energjisë elektrike në veri të vendit.
Udhëzimi për të cilin u dakorduan palët në Bruksel parasheh që kompania serbe Elektro Sever që operon në veri të Kosovës të licencohet e të bëjë inkasimin e faturave.
Top Channel
