Akuzohet për marrje ryshfeti, ligjvënësi Cuellar: Do vazhdoj fushatën për një mandat tjetër 04/05 22:16
Kremlini ka bërë me dije se vullnetarët amerikanë të kapur në Ukrainë, nuk mbulohen nga konventat e Gjenevës dhe mund të përballen me dënimin me vdekje.
Deklaratat u bënë nga zëdhënësi i Kremlinit, Dmitry Peskov, pas pretendimeve në mediat ruse se dy nga tre vullnetarët amerikanë të zhdukur në Ukrainë ishin kapur dhe mbaheshin nga forcat separatiste pro-ruse.
Dy burrat u arrestuan nga separatistët e mbështetur nga Rusia në Donetsk, pasi u kapën javën e kaluar, sipas mediave shtetërore ruse.
Alexander Drueke, 39 vjeç dhe Andy Tai Ngoc Huynh, 27 vjeç, të dy nga Alabamau filmuan në një qendër paraburgimi në Republikën e vetëshpallur Popullore të Donetsk (DPR) ditën e premte.
Kërcënimi i dënimit me vdekje ndaj dy burrave vjen pas dënimit me vdekje të dy britanikëve dhe një marokeni që u dorëzuan në Mauripol pas luftimeve me forcat ukrainase, mes disa sugjerimeve se Rusia mund t’i përdorë këta burra për të bërë pazare për lirimin e rusëve të kapur.
Ndërsa Rusia ka një moratorium mbi dënimin me vdekje, ky moratorium nuk shtrihet në Republikën e Donetskut, pavarësisht se është një përfaqësues i Moskës.
Dy amerikanët u zhdukën në fillim të këtij muaji gjatë një beteje në veri të Kharkiv.
Top Channel
