Nga kërkimet e deritanishme të policisë rezulton se i riu që u vra sot, Aleksandër Sadikaj është njeri i afërt i shtetasit G.Q., i cili vite më parë ka kryer vrasje në Gjirokastër.
Gjithashtu burimet e Anila Hoxhës thanë se se 27-vjeçari është njeri i afërt me A.K nga Memaliaj, i cili është nën akuzë nga belgët për vrasjen e dy vëllezërve Çaça të ekzekutuar në 13 prill të viti 2001 në Belgjikë.
Sipas informacioneve, 27-vjeçari Sadikaj ishte dënuar më parë për vjedhje, për një ngjarje të ndodhur 9 prill të vitit 2011 ku së bashku me personin me inicialet, R.P, të cilët dyshohet se kishin vjedhur një sasi kabulli të Albtelecom.
Gjithashtu 27-vjeçari ishte proceduar edhe për një tentativë vrasjeje,ç’ka ka orientuar edhe grupin e hetimit të hetojë si një pistë të mundshme për të hedhur dritë mbi krimin e sotëm.
Top Channel arriti të siguronte pamjet e para ekskluzive pas shpërthimit të tritolit në makinën tip ‘Volksëagen’, ku humbi jetën Sadikaj.
Në pamje shihet teksa i riu ndihmohet nga kalimtarë të rastit, ndërsa është I gjakosur e me gjymtyrë të këputur si pasojë e shpërthimit të fortë.
Disa persona i afrohen të riut, për ta ndihmuar, ndërsa e kanë transportuar atë me urgjencë drejt spitalit të Traumës ku mbërriti pa shenja jete.
27-vjeçari Aleksandër Sadikaj humbi jetën mesditën e kësaj të shtune si pasojë e një atentati mafioz, në autostradën Sauk-TEG.
Persona ende të paidentifikuar, kishin vendosur një sasi lënde plasëse, në pjesën e përparme të makinës me të cilën i riu po udhëtonte i vetëm.
Dyshohet se shpërthimi ka qenë i telekomanduar në distancë.
Top Channel
