Aksidenti tragjik me tre viktima në Fier/ Shkak dyshohet parakalimi i gabuar, arrestohet drejtuesi i “Opel-it”
10/06/2022 14:06
E rëndë në Athinë, vdes 22-vjeçari shqiptar! Si ndodhi aksidenti 17/05 08:39
Foto ilustruese
Drejtuesi i mjetit tip “Opel Zafira” që u përfshi natën e kaluar në aksident me mjetin tip “Ford”, ku tre persona ndërruan jetë, është arrestuar këtë të premte.
Aksidenti shkaktoi tre viktima: punonjësi i FNSH-së Sokrat Lelaj; 54 vjeç gruaja e tij Fatbardha Lelaj, 53 vjeçe dhe e ëma e saj, 78-vjeçarja Bylyre Salaj.
Viktimat, Sokrat dhe Fatbardha Lelaj
Në mjetin tip ‘Opel’ që drejtonte Gerti Skënderaj, 43-vjeçari nga Cakrani, ndodhej bashkëshortja dhe vajza e tyre 6 vjeçe, që ndodhen në gjendje të rëndë shëndetësore.
Sipas policisë së Fierit, parakalimi i gabuar i automjetit që drejtohej nga Skënderaj, ka bërë që dy makinat të përplasen kokë më kokë. 43-vjeçari, që ndodhet në spital, do të hetohet për veprën penale “Shkelja e rregullave të qarkullimit rrugor”.
Makinat u përplasën në fshatin “Buzëmadh”, në aksin rrugor Levan-Tepelenë në Fier. Ende nuk dihen shkaqet, po goditja ka qenë aq e fortë, sa njëri prej mjeteve përfundoi në një arë poshtë rrugës.
Top Channel
