Përfundon seanca në Gjykatën e Lartë lidhur me pretendimet e ish Presidentit Trump për imunitet absolut 25/04 21:57
Civilët në qytetin lindor të Ukrainës, Severodonetsk janë pa gaz, ujë dhe energji elektrike, ndërsa po sulmohen nga forcat ruse.
Më herët, guvernatori rajonal i Luhanskut, Serhiy Haidi tha se trupat ruse kishin hyrë në qytet dhe se ai ishte gjithashtu nën bombardime nga ajri.
“Ata do të bombardojnë për tre, katër, pesë orë dhe pastaj do të avancojnë. Ata që po sulmojnë po vriten, dhe pastaj fillon përsëri bombardimi dhe më pas një sulm tjetër. Dhe kjo do të ndodhte derisa ata të mund të thyejnë pozicionet tona diku”, tha Haidi.
“Moti është mjaft i nxehtë tani. Dhe në të gjithë periferinë e Severodonetsk, ne kemi aromën e kufomave sepse ata [rusët] nuk po i marrin trupat.”
Ai tha se forcat ruse po përdorin të gjitha armët që kanë në dispozicion për të sulmuar qytetin, por ukrainasit ende po e mbajnë nën kontroll.
Top Channel
