Digjet dhe raundi III, asnjë emër nga opozita për Presidentin e ri
29/05/2022 16:24
Prokuroria belge kërkon nga 10 vite burg për anëtarët e grupit të trafikut të kokainës, mes tyre shqiptarë dhe “kimistë” kolumbianë 19/04 18:14
Raundi i tretë i procesit për zgjedhjet e Presidentit është djegur, pasi opozita nuk propozoi asnjë emër në kryesinë e kuvendit.
Ora 16:00 e kësaj të diele ishte afati i fundit që opozita të jepte propozimin/propozimet e saj, ndërkohë që mazhoranca nuk propozoi asnjë të tillë në raundin e dytë dhe të tretë. Të hënën kuvendi do të mblidhet, ashtu siç u dakordësua në mbledhjen e fundit të Konferencës së Kryetarëve.
Tashmë për të zgjedhur Presidenti duhen 71 vota dhe jo 84 si në dyja raundet e para, që do të thotë se mazhoranca mund ta zgjedhë e vetme kreun e shtetit.
Kuvendi do të zhvillojë nesër dy seanca radhazi, një për Presidentin në orën 10:00 dhe një tjetër për rendin e ditës në 11:00.
Sipas Kushtetutës së Shqipërisë, kandidati për President i propozohet Kuvendit nga një grup prej jo më pak se 20 deputetësh.
Për zgjedhjen e Presidentit të vendit, Kuvendi zhvillon deri në pesë votime (raunde). Në votimin e katërt dhe të pestë zgjidhet president kandidati që siguron më shumë se gjysmën e votave të të gjithë anëtarëve të Kuvendit. Votimi i pestë zhvillohet kur në votimin e katërt asnjë kandidat nuk ka siguruar shumicën e kërkuar të votave.
Presidenti Ilir Meta dorëzon mandatin e tij në 24 korrik.
Top Channel
