Operacion antikanabis në Dukagjin/ Bie në humnerë efektivi i policisë, nxirret pas 12 orësh nga forcat e RENEA-s

28/05/2022 12:30

Polici i aksidentuar në humnerën në Dukagjin, është nxjerrë nga humnera pas 12 orësh përpjeke me ndihmë të RENEA-s dhe policisë Shkodër, në një zonë ku mund të ulet helikopteri, apo të bëhet tërheqja e tij me litarë, me qëllim transportimin  e tij drejt Tiranës, për ndihmë mjekësore.

Ekipi i urgjencës mjekësore i ka dhënë ndihmën e pare oficerit të Policisë dhe po e mban nën monitorim, së bashku me shërbimet policore, deri në mbërritjen e helikopterit, pasi transportimi i mëtejshëm nga shërbimet e Policisë, zjarrfikësit dhe shërbimet e urgjencës mjekësore është i pamundur, për shkak të terrenit shumë të vështirë.

Nga pika fundore e rrugës që shkon automjeti deri në vendin ku aktualisht ndodhet punonjësi i Policisë i dëmtuar, është 6 orë me këmbë dhe një terren shumë i vështirë që e bën të pamundur transportimin me krahë, të punonjësit të Policisë.

Top Channel