Top Channel publikon sot pamje pak minuta pas atentatit në autostradën Lezhë-Tiranë, rreth orës 20:05 një natë më parë, ku në shënjestër ishte Blerim Preçi.
Në pamje shihen kalimtarë të cilët i ofrojnë ndihmë. Gjithashtu dëgjohet teksa Preçi pyet nëse ka marrë plumba në kokë, i traumatizuar dhe i gjakosur.
Qytetari: Eja vrap tek lokali se thirra mjekun, thirra dhe policinë.
Blerim Preçi: A kam plumba n’ kokë.
Qytetari: Jo jo s’ke gjë.
Deri më tani në komisariatin e Lezhës janë shoqëruar 10 persona, por asgjë nuk është zbardhur për këtë ngjarje.
Një makinë në ecje ka qëlluar në drejtim të Preçit, i cili po udhëtonte në një mjet tip Mercedes Benz ‘ML’. Atentati i dështuar pati shënjestër Blerim Preçin nga Miloti, teksa në makinë ka qenë edhe i afërmi i tij, Klisman Preçi.
Ndaj tyre është qëlluar me breshëri automatiku, teksa fatmirësisht u kanë shpëtuar plumbave.
Preçi rezulton pa precedent penal në vendin tonë, por sipas burimeve, ai rezulton me precedent penal në Belgjikë.
Nuk dihet ende shkaku i atentatit, ndërsa policia vijon punën për kapjen e autorëve, të cilët janë larguar në drejtim të paditur.
Top Channel
