Mbeti i plagosur pas atentatit me armë zjarri, gjendja e kryeministrit sllovak jashtëzakonisht e rëndë! Ministri: Nuk kemi lajme të mira 15/05 20:36
Humbjet e Ukrainës tashëm që luftimet janë zhvendosur në lindje të vendit janë mjaft serioze, por edhe humbjet e Rusisë nuk mbeten pas.
Këshilltari presidencial Oleksiy Arestovych tha se Ukraina kishte humbur kontrollin e disa qyteteve dhe fshatrave por u shpreh se edhe viktimat e Rusisë kanë qenë kolosale.
Arestovych tha se Rusia po humbte një kompani trupash çdo ditë, sipas komenteve të cituara nga agjencia e lajmeve UNIAN, ai tha se ushtarët e tij po vijon të kryenin një operacion të shkëlqyeshëm mbrojtjeje duke vënë jetën e tyre në rrezik.
Ndërkohë, numri i civilëve vazhdon të rritet ndërsa luftimet në lindje të Ukrainës po vazhdojnë.
Guvernatori rajonal i Luhansk – pjesë e Donbas – ka kërkuar përsëri civilët e mbetur të largohen.
Ndërkohë, policia në rajonin e Donetskut thotë se tre persona u vranë dhe gjashtë u plagosën gjatë ditës së kaluar gjatë sulmeve ruse.
Dhe rajoni verilindor i Kharkivit vazhdon të shohë gjithashtu luftime të ashpra. Zyrtarët atje thonë se pesë civilë u vranë në granatimet e fundit.
Top Channel
