Jeleku i shpëtimit i veshur nga një e mbijetuar e Titanikut del në ankand, blihet për më shumë se 700 mijë euro nga… 18/04 22:35
Rusia ka pësuar “humbje të konsiderueshme të trupave”, kështu pranoi për të parën herë që kur ka nisur lufta zëdhënësi i Presidentit Vladimir Putin.
Dmitry Peskov u pyet në Sky News nëse lufta kishte qenë një disfatë për ta , duke pasur parasysh se Rusia ishte tërhequr nga kryeqyteti Kiev, ka humbur mijëra trupa dhe se Presidenti Volodymyr Zelensky ishte ende në pushtet.
Në tentativë për të mos i pranuar këto si dështim, Peskov tha: “Po, ne kemi humbje të konsiderueshme trupash dhe kjo është një tragjedi e madhe për ne”.
Ai më pas shtoi se tërheqja nga rajoni i Kievit dhe qyteti verior i Chernihiv ishte një “akt i vullnetit të mirë” për të ulur tensionin gjatë bisedimeve të paqes.
Gjatë intervistës Peskov përsëriti arsyet e Rusisë për atë që e përshkruan si një “operacion special ushtarak”, duke thënë se Ukraina ishte bërë “anti-ruse” dhe Rusia ishte nervoze pasi NATO “kishte filluar të lëvizte drejt kufijve të tyre”.
Rusia ka thënë më parë se 1351 ushtarë janë vrarë.
Numri i plotë i të vdekurve nuk dihet, por një zyrtar i NATO-s është cituar në mediat amerikane të ketë thënë se numri i viktimave ruse është midis 7,000 deri në 15,000 të vrarë.
Top Channel
