Sulmet e Izraelit, ministri i Jashtëm Iranian: Një dështim i plotë, nuk shkaktuan asnjë dëm për ne 19/04 22:55
Të paktën 1,480 civilë janë vrarë dhe 2,195 të tjerë anë plagosur në Ukrainë që nga fillimi i pushtimit rus më 24 shkurt, tha Rosemary DiCarlo, nënsekretarja e përgjithshme e Kombeve të Bashkuara për çështjet politike dhe të paqes.
Duke cituar shifra të përditësuara nga Zyra e Komisionerit të Lartë për të Drejtat e Njeriut, DiCarlo tha se shifrat aktuale të viktimave civile janë më të larta.
Ajo vuri në dukje se numri i civilëve ukrainas në konflikt është dyfishuar që kur ajo përditësoi për herë të fundit Këshillin e Sigurimit më 17 mars.
“Qytetet ukrainase vazhdojnë të goditen pa mëshirë, shpesh pa dallim, nga artileri të rënda dhe bombardime ajrore. Dhe qindra mijëra njerëz, duke përfshirë fëmijë, të moshuar dhe të paaftë, mbeten të bllokuar në zona të rrethuara në kushte makthi”, tha DiCarlo në takimin e Këshillit të Sigurimit të OKB-së.
DiCarlo gjithashtu vuri në dukje se kujdesi mjekësor dhe shërbimet bazë po ndërpriten gjithashtu në Ukrainë, me të paktën 85 sulme në objektet e kujdesit shëndetësor të regjistruara që nga 4 prilli, sipas Organizatës Botërore të Shëndetësisë. Këto sulme kanë rezultuar në të paktën 72 të vdekur dhe 43 të plagosur, tha DiCarlo.
OKB-ja është gjithashtu e shqetësuar për “arrestimet arbitrare dhe zhdukjet me forcë të personave që kanë qenë kundër pushtimit rus”, tha DiCarlo.
Këshilli ka dokumentuar ndalimin arbitrar dhe zhdukjen e mundshme me forcë të 22 gazetarëve dhe anëtarëve të shoqërisë civile në Ukrainë, si dhe 24 zyrtarëve lokalë që janë arrestuar në rajonet nën kontrollin rus, 13 prej të cilëve janë liruar, tha DiCarlo. Ajo shtoi se deri më 30 mars, OHCHR ka regjistruar edhe shtatë gazetarë dhe punonjës të medias të vrarë.
Top Channel
