Hungaria dhe Serbia pritet t’i shtrojnë tapetin e kuq udhëheqësit kinez Xi 07/05 23:18
SHBA i çon një hap më tej politikat për respektimin e orientimit seksual dhe identitetit gjinor.
Duke filluar nga 11 prilli, shtetasit e saj që nuk e identifikojnë veten as si meshkuj as si femra, pra jobinarët, ndërseksorët, diversët ose ata që janë të pasigurt për gjininë që kanë, do të kenë mundësinë që në pasaportat e tyre të kenë X-in si shenjë në vendin ku shënohet gjinia.
Njoftimin e dha sekretari i shtetit, Antony Blinken. “Për një kohë shumë të gjatë, amerikanët transgjinorë, jobinarë dhe ata që janë të pasigurt për gjininë e tyre janë përballur me pengesa të konsiderueshme për të udhëtuar të sigurt si brenda Shteteve të Bashkuara dhe nëpër botë”, pohoi Shtëpia e Bardhë.
Shtetasit e SHBA-së që bëjnë kërkesë për pasaportë tani e tutje nuk kanë nevojë të ofrojnë dokumentacion mjekësor për të dëshmuar se janë jobinarë, ndërseksorë ose ata të pasigurt për gjininë që kanë. Pasaporta e parë amerikane në të cilën në vend të M/F kishte shenjën “X” u lëshua në tetor të vitit 2021. Mundësia për t’u pajisur me dokumente me gjininë X edhe në sektorë të tjerë, si p.sh. në librezat e sigurimit social, patentat për drejtimin e makinave etj, do të jetë duke filluar nga viti i ardhshëm”, thuhet në një deklaratë të Blinken.
Edhe Enti për Sigurinë e Transportit (TSA), do ta heqë aspektin e kontrollit të gjinisë në rastet kur identifikon udhëtarët në pikat e kontrollit të sigurisë në aeroporte dhe do të reduktojë numrin e kontrolleve trupore. Masat vijnë vetëm pak ditë pasi guvernatorët e Arizonës dhe Oklahomës, nënshkruan ligje që ndalojnë sportistët transgjinorë të konkurrojnë në garet sportive të femrave në shkolla.
Top Channel
