Kryeministri Edi Rama nisi një tur shpjegues me punonjës të sektorëve të ndryshëm për Paketën e Rezistencës Sociale, miratuar nga qeveria të shtunën.
Punonjësve të një fabrike mielli në Tiranë kryeministri u foli edhe për përpjekjet për të mos ndalur eksportin e grurit.
“Po negociojmë me Serbinë për të zhbllokuar sasi gruri dhe miell bllokuar atje bizneseve tona, dhe këtë po e bëjmë bazuar në Ballkanin e Hapur”, tha ai.
Kryeministri e vuri theksin se përse Paketa e Rezistencës Sociale i kushton një rëndësi të posaçme pensionistëve.
“36 milion USD indeksim pensionesh dhe 30.000 lekë plus ata të vetmuar e invalid. Është një frymëmarrje për mos tu ndjerë me lakun në fyt”, shtoi kryeministri.
Dalina Ibrahimaj, ministre e Financave dhe Ekonomisë shpjegoi mënyrën e re të taksimit të më të ulët të pagave.
Sipërmarrësi kësaj fabrike mielli dha këtë koment për paketën e qeverisë.
“Faleminderit që këtë të diel jeni me ne dhe keni hedhur sytë nga produktet e shportës”, tha sipërmarrësi.
Top Channel
