Rusia refuzon përjashtimin/ Ankimon në gjykatë vendimet e FIFA dhe UEFA

Federata e Futbollit të Rusisë ka bërë kërkesë për pezullimin e ekzekutimit të këtyre sanksioneve dhe kërkon që vendimet e marra të anulohen, duke rikthyer ekipet kombëtare dhe klubet në gara. Tema kryesore ka të bëjë me kombëtaren ruse e cila në fund të marsit duhej të luante në play-off kualifikues për Kupën e Botës.

Në këtë situatë, Federata Ruse e Futbollit ka bërë ankesë edhe ndaj federatave të futbollit të atyre vendeve që kanë kërkuar përjashtimin e Rusisë nga Botërori (Polonia, Suedia, Republika Çeke, Mali i Zi dhe Malta). Gjykata e Arbitrazhit Sportiv ka nisur dy procedura të veçanta arbitrazhi dhe do të japë opinionin e saj për këtë çështje në ditët në vijim.

FIU

Ndeshja mes Skocisë dhe Ukrainës, e vlefshme për kualifikueset për Botërorin e Katarit, e caktuar për 24 mars, do të luhet në qershor. Ky ishte vendimi i FIFA-s pasi Shoqata e Futbollit të Ukrainës kërkoi që ndeshjet e saj në play-off të ricaktoheshin për shkak të pamundësisë për të organizuar udhëtime dhe stërvitje për një ekip në rrethanat aktuale. Pas konsultimit me UEFA-n dhe katër federatat e anëtarësuara në Grupin A të play-off-it të kualifikimeve evropiane për Kupën e Botës, u vendos unanimisht, në frymë solidariteti, të pranohej kjo kërkesë.

FIFA ka njoftuar gjithashtu se ndeshja ndërmjet Uellsit dhe Austrisë do të mbetet e planifikuar për 24 mars 2022, për shkak të nevojës për të kufizuar ndërprerjen në ndeshjet zyrtare të planifikuara tashmë për hapësirën e qershorit për shkak të një kalendari tashmë të mbingarkuar.

Për më tepër, pas vendimit të 28 shkurtit 2022 të marrë së bashku me Komitetin Ekzekutiv të UEFA-s për të pezulluar të gjitha skuadrat ruse nga pjesëmarrja në garat e FIFA-s dhe UEFA-s deri në njoftimin e mëtejshëm, Byroja e Komitetit Organizativ të FIFA-s ka vendosur që Polonia të hyjë në finalen e grupit B. i planifikuar për më 29 mars 2022, në të cilin do të përballet me fituesin e ndeshjes mes Suedisë dhe Republikës Çeke.

Top Channel