Ambasadorja Yuri Kim ka reaguar për dekretimin nga Presidenti Ilir Meta të anëtares së re Arbena Ahmeti në Gjykatën e Lartë.
Yuri Kim ka përshëndetur dekretimin e Presidentit, teksa shkruan se mirëpret bashkëpunimin e vazhdueshëm ndërmjet institucioneve për zbatimin e reformës në drejtësi.
‘Ne mirëpresim bashkëpunimin e vazhdueshëm ndërmjet institucioneve për zbatimin e reformës në drejtësi, përfshirë emërimin e sotëm të gjyqtarit të 10-të në Gjykatën e Lartë. Kjo rrit funksionalitetin e Gjykatës së Lartë, gjithashtu mundëson që Gjykata e Lartë të emërojë një gjyqtar për Gjykatën Kushtetuese’, – shkruan diplomatja në Twitter.
Sot presidenti Meta ka dekretuar emërimin e Arbena Ahmetit si gjyqtarja më e re e Gjykatës së Lartë.
Me këtë emërim të ri, Gjykata e Lartë, nga sot bëhet me 10 (dhjetë) gjyqtarë, nga 19 anëtarë, që duhet të ketë.
‘Arbena Ahmeti do të jetë anëtarja më e re në Gjykatën së Lartë, e cila është përzgjedhur për t`u emëruar në këtë Gjykatë përmes procedurave të ngritjes në detyrë nga radhët e gjyqësorit, thuhet në njoftimin e Presidencës.’- shkruante Presidenca.
Top Channel
