Ukraina i frikësohet edhe luftës kibernetike ruse
09/02/2022 15:39
Ekstradimet nga Dubai, ministri Balla marrëveshje për nisjen e procedurave me Emiratet e Bashkuara Arabe
24/04 12:25
Rajoni Donesk në Lindje të Ukrainës prej 2014 është në luftë dhe i ndarë në dy pjesë. Njëra që kontrollohet nga e ashtuquajtura Republika Kombëtare e Donetsk dhe pjesa tjetër nga Ukraina.
Pikërisht në pjesën e kontrolluar nga Ukraina në Kramatorsk ndodhet i dërguari Top Channel, Muhamed Veliu së bashku me operatorin Besfort Kryeziu.
Qytetarët këtu në Krematorsk, raporton gazatari i Top Channel, thonë se nuk ka të ardhme.
Guvernatori Donetsk Pavlo Kylenko thotë se katër postoblloqe, që janë të bllokuara nga pala okupuese ruse për mos të lejuar qytetetarët e pjesës së Ukrainës të kalojnë.
Në pjesën tjetër ka forca të mirëfillta ushtarake ruse dhe jo nga ata që njihen si mbështetës të Republikës Kombëtare e Donetsk.
“Ne jemi duke u përgatitur për çdo skenar, kemi nisur stërvitje ushtarake” tha ai.
Guvernatori Donetsk theksoi se kjo pjesë e Ukrainës u mbrojt nga ushtria dhe vullnetarët.
Nga 2014 deri më tani janë shënuar 15.000 persona të vrarë, civilë dhe ushtarakë.
Ndërkohë, sa vjen dhe shtohet frika e një lufte kibernetike, pasi Rusia përmes të tilla sulmeve do të tentojë destabilizimin e Ukrainës.
Sulmet e të shkuarës, tregojnë se Rusia e ka përdorur Ukrainën si laborator testues të teknologjisë së saj kibernetike.
Që prej pushtimit të Krimesë, Rusia, ka ndërmarrë 288.000 sulme kibernetike ndaj Ukrainës në 10 mujorin e parë të 2021.
Top Channel
