Vdes aktorja e famshme italiane/ Monica Vitti ndërroi jetë në moshën 90 vjeçare

03/02/2022 00:58

Ndërroi jetë në moshën 90 vjeçare Monica Vitti, një nga aktoret më të dashura në Itali.

Ajo ishte e njohur për filmat e saj klasikë me regjizorin Michelangelo Antonioni, si ai i viteve 1960-të L’Avventura, me të u nominua për çmimin Bafta. Në gjuhën angleze Vitti luajti në filmin Modesty Blaise e vitit 1966 ku luajti rolin e aktores protagoniste.

Vitti dallohej nga bashkëkombaset e saj të ekranit si Sophia Loren e Gina Lollobrigida prej zërit të ashpër, qukave dhe flokëve të gjatw biondë.
E lindur në kryeqytetin Romë, Vitti nisi karrierën e saj në teatër, ku u pikas nga regjizori i njohur Antonioni.

Ajo tha në një intervistë në 1982 se “ishte me fat që nisi karrierën e saj me një njeri të madh”, që ishte gjithashtu “një talent shpirtëror, plot jetë e entuziazëm”. Aktrimi i solli famë botërore dhe role në filma amerikanë.

Vitti mori çmimin Luani i Artë i Karrierës në Festivalin e Venecias në 1995. Në vitet 1990, një libër autobiografik i saj u bë ‘best-seller’ dhe është përdorur si tekst në shkollat dhe universitetet italiane.

Top Channel