“Meta ka informacione se SPAK mund ta godasë”/ Ish-kryeprokurori Hajdari: Sulmet e kryetarit të Partisë së Lirisë, të ngjashme me ato të organizatave kriminale 18/04 16:00
Zgjedhjet vendore të 6 marsit ka sjellë përballje verbale mes Edi Ramës dhe Ilir Metës. Analisti Arion Sulo ka folur në “Top Talk” për zhvillimet e fundit në politikë duke treguar edhe arsyen përse Sali Berisha i duhet Edi Ramës.
Sipas tij, Rama po përpiqet të shmanget nga trekëndëshi i Bermudës duke lënë në aleancë vetëm Metën dhe Berishën.
Denis Dyrnjaja: Duke tentuar të defaktorizojnë Berishën, po e faktorizojnë më fort me këto lëvizje? Përshembull duke i hequr përfaqësuesit ligjorë në KQZ po e bëjnë grupimin e Berishës me Metën edhe më të fortë.
Arion Sulo: Unë mendoj se nëse do të kishim këtë situatë, kjo panoramë, ky fakt politik do ishte vërtetuar, do ishte shfaqur më 8 janar, në dhjetor gjatë Kuvendit, do ishte shfaqur shumica. Basha ka bërë një lëvizje prej 2-3 muajsh duke distancuar veten nga Bermuda. Dhe Rama atë ka bërë sot me Metën. Rama është njohës i mirë i komunikimit publik dhe politik dhe marrja e fokusit të opozitës, shton qetësinë, por edhe prozhektorët nuk janë më mbi të dhe Rama e di që në afatgjatë, kjo nuk është mirë.
Ka provokuar një debat sot me zotin Meta duke e cuar me Berishën në aleancë, pra ka bërë të njëjtën gjë si Basha. Basha mendon se fiton pikë nga kjo. Teorikisht mund të jetë e vërtetë. Por nga ana tjetër mund të themi që Basha është nxënës i Berishës, ka qenë aleat me Metën por Basha u prish me Metën. Kemi dhe një të dhënë nga e cila ka filluar e gjithë kriza politike shqiptare që Berisha e Meta kanë qenë bashkë në përplasje me SHBA për Reformën në Drejtësi.
Top Channel
