11 vite nga vrasjet në protestën e 21 Janarit
21/01/2022 07:20
EMRAT/ Zbardhet identiteti i të arrestuarve pjesë e grupit të Gëzim Çelës! Si u gjurmua ish-punonjësi i policisë i kthyer në baron droge 01/05 11:02
Mëngjesin e 21 Janarit mijëra mbështetës të opozitës ju përgjigjën thirrjes për të dalë në protest. Video e regjistruar nga Dritan Prifti me shefin e tij politik Ilir Meta, e ndezi zjarrin e protestës.
Protesta e 21 janarit 2011 u mbyll me katër viktima, tre të vrarë me armë zjarri në harkun e dhjetë minutave dhe një i plagosur rëndë që do të ndërronte jetë pak ditë më vonë.
Sot mbushen 11 vjet nga vrasja e 4 protestuesve të cilët atë kohë protestonin para Kryeministrisë, më 21 Janar të 2011-ës kur Partia Socialiste ishte në opozitë ndërsa PD-ja dhe LSI-ja qeverisnin së bashku dhe kryeministër atëherë ishte Sali Berisha, ndërkohë Lulzim Basha ishte ministër i Brendshëm.
Ziver Veizi, Aleks Nika, Hekuran Deda dhe Faik Myrtaj janë viktimat e 21 janarit. Familjarët e tyre akoma sot presin drejtësi. Vitin e kaluar Policia e Tiranës përmes një kërkese i është drejtuar Prokurorisë së Tiranës për rihapjen e dosjes “21 Janari”. Kujtojmë se Prokuroria e Tiranës i pezulloi hetimet për njërin prej të vrarëve në bulevard, Aleks Nikën, në 2020.
Sot politika “noton” në të tjera ujëra. Partia Socialiste është pozitë në mandatin e tretë edhe pse akoma se ka mbajtur premtimin për drejtësi për 4 viktimat në bulevard. Ndërkohë partia më e madhe opozitare është e përçarë. Sali Berisha i shpallur non-grata nga SHBA kërkon të marrë kryesimin e PD, ndërkohë që Basha thotë që anëtarët e PD kanë zgjedhur atë si kryetar.
Top Channel
