Çfarë ka ndodhur me Parashqevi Simakun? Reagon Elton Iliriani: Ata që thanë se do ta ndihmonin, nuk e bënë! 23/12 14:30
Një mace gjigante që peshon sa një fëmijë 2 vjeçar, është aq e madhe sa që shpesh e ngatërrojnë me një qen, thotë pronarja e saj.
Macja e quajtur ‘Kefir’, sipas dhallës karakteristike ruse të fermentuar nga qumështi, është një mace e stërmadhe e racës ‘Maine Coon’ që i përket Yulia Minina në qytezën e Stary Oskol.
Ajo thotë se bleu Kefir dy vjet më parë kur ishte kotele por gjithsesi daci i bardhë vazhdon të rritet.
Yulia thotë: “S’mund ta kisha menduar që një kotele të bëhej kaq e madhe. Ai nuk është vetëm i madh në paraqitje por është dhe shumë inteligjent dhe sillet shumë butësisht”.
“Kefir ka shikimin e një personi por është shumë i dashur dhe modest, megjithse është ende i ri”.
“Kur miqtë dhe të njohurit vijnë në shtëpi, ai merr të gjithë vëmendjen dhe i lejon të gjithë ta përkëdhelin, tamam sikur të ishte një qen”.
Dhe në fakt gruaja shton se shpesh të huajt e ngatërrojnë me një qen: “Ka dhe një tjetër zakon, natën ka qejf të rrijë mbi mua për të fjetur, kur ishte më i vogël nuk ishte shumë problem, por tani që është i madh e i rëndë, është pak e vështirë”.
“Kefir është tashmë një vjeç e dhjetë muaj dhe peshon 12 kg. Por ai konsiderohet ende kotele dhe raca e maceve Maine Coons mund të rritet deri në 3-4 vjet”.
Kjo racë vjen nga shteti amerikan i Maine dhe konsiderohet një nga më të vjetrat në vend.
Konsiderohet gjithashtu një nga macet më të mëdha të zbutura që prej asaj të Savanës në vitet 1980-të.
Maine Coon mbajnë gjithashtu rekordin si macet më të gjata në botë, nga të cilat Stewie nga Nevada arriti rekordin në 122 cm nga maja e hundës deri të maja e bishtit, para se të vdiste në 2010.
Top Channel
