Këshilli i Lartë Gjyqësor kërkon 30 milionë euro shtesë në buxhet, opozita e quan llastim, kreu i KLGJ: S’janë për luks! 15/11 19:05
Lulzim Basha ka nisur fushatën në bazë por ajo nuk është zgjedhore. Sfida e tij është të bëjë për vete demokratët që e braktisën për Sali Berishën. Kushtet e kompromisit për bashkim janë më shumë se një.
“Mendim ndryshe po, kundërshti po, të gjitha dhe me zë të lartë, garë po, por jo dhunë, jo mashtrime dhe gënjeshtra jo veset që përballemi me qeverinë më të korruptuar të Europës. Detyra jonë e parë është të marrim me vete, t’ju shtrijmë dorën sepse na bashkojnë qëllimet”, tha Basha.
Veten e konsideron si peng të demokratëve dhe jo të Kryeministrit siç pretendon Sali Berisha.
“Çdo hap që Shqipëria ka hedhur para ka ndodhur kur kemi qeverisur ne por ama s’mund të fusim poshtë divanit të metat gabimet apo korrupsionin. Këtu jam dhe do të jem si pengu i demokratëve dhe si pengu i shqiptarëve, por si njeri i lirë përballë regjimit dhe përballë atyre që janë bërë njësh me rrëgjimin duke denigruar, përçarë dhe fryrë frymës së përçarjes. Ata do të dështojnë”, tha Basha.
Turet e takimit të Lulzim Bashës po shoqërohen me antimitingje. Përjashtim nuk bëri as njësia 7 ku e prisnin demokratë të revoltuar.
Top Channel
