“Nuk e kuptoj mllefin që ke”, vijon ‘lufta e ftohtë’ mes Jul Dedës dhe Ermal Mamaqit: Qesha me lot, por u preka! Për projektin pres… 13/11 12:00
Aktori i njohur, Arnold Schëarzenegger, ka bërë një gjest human duuke ndryshuar jetën e veteranëve këtë sezon festash.
74-vjeçari dhuroi 25 shtëpi për veteranët në zonën e Los Angeles, të cilët kishin jetuar më parë në rrugë.
Ish-guvernatori i Kalifornisë e zbuloi lajmin në Twitter, për shtëpitë e dhuruar këtë javë duke i quajtur si një dhuratë e hershme për Krishtlindje.
“Sot, festova Krishtlindjet herët. 25 shtëpitë që dhurova për veteranët e pastrehë u instaluan këtu në LA. Ishte fantastike të kalojmë pak kohë me heronjtë tanë dhe t’i mirëpresim në shtëpitë e tyre të reja”, shkroi ai në Twitter të enjten.
Schwarzenegger gjithashtu falënderoi organizatën jofitimprurëse Village for Vets, si dhe Zyrës së Sekretarit të Çështjeve të Veteranëve dhe Veteranëve Amerikanë (AMVets) për ndihmën e tyre, sipas People.
Village for Vets siguroi shtëpitë, të cilat Schwarzenegger i bëri të mundur me një donacion prej 250,000 dollarësh, sipas FOX 11.
Faqja e internetit “Village for Vets” shpjegon se strehëzat e vogla, të dhuruara nga Schwarzenegger, “sigurojnë një standard të lartë jetese nga kampet e tendave derisa veteranët janë në udhëtimin e tyre për të gjetur strehim të përhershëm dhe stabilitet”.
Çdo shtëpi ka ngrohje, energji elektrike dhe ajër të kondicionuar.
Schwarzenegger tha në një postim në Tëitter se aktet e mirësisë janë “ajo për të cilat kanë të bëjnë Krishtlindjet”.
“Të gjithë ju keni fuqinë të bëni diçka për dikë tjetër këtë sezon festash. Nuk duhet të jetë e madhe. Vetëm jepni disa minuta nga koha juaj për të ndihmuar dikë tjetër”, vazhdoi aktori.
Top Channel
