Analiza/ Cilat janë pengesat për arritjen e armëpushimit mes Izraelit dhe Hezbollahut? 26/11 09:34
Mbretëresha do të priste rreth 50 anëtarë të familjes mbretërore, duke përfshirë Dukën dhe Dukeshën e Cornwall-it, në Kështjellën Windsor, të martën, por ajo ka vendosur ta anulojë drekën e saj tradicionale familjare para Krishtlindjeve. Kjo për shkak të rritjes së rasteve të Omicron në Mbreterinë e Bashkuar.
Zakonisht ftohet edhe familja e gjerë, duke përfshirë kushërinjtë e Mbretëreshës Gloucesters, Duka i Kentit dhe Michaels of Kent.
Këto Krishtlindje janë të parat e Mbretëreshës, që i kalon e vetme, që nga vdekja e bashkëshortit të saj prej 73 vitesh, Dukës së Edinburgut. Mbretëresha dhe Filipi e kaluan ditën e Krishtlindjes së bashku në Windsor në 2020, pa pjesën tjetër të familjes, pasi kaluan pjesën më të madhe të vitit duke u kujdesur nga një numër i reduktuar i stafit për shkak të pandemisë.
Edhe dreka tradicionale e vitit të kaluar u anulua gjithashtu për shkak të Covid-19. Është traditë tashmë që Mbretëresha i fton fëmijët, nipërit dhe stërnipërit e saj që t’i bashkohen asaj në Pallatin Buckingham përpara se ajo të niset për qëndrimin e saj vjetor të Krishtlindjeve në Sandringham.
Top Channel
