Del foto, ky është biznesmeni i ekzekutuar me kallashnikov në Kurbin, u qëllua për vdekje teksa po lëvizte me makinë
10/12/2021 10:12
E rëndë në Tiranë, 26-vjeçarja hidhet nga kati i pestë i pallatit ku banon 01/05 22:25
Personi në foto është biznesmeni Rakip (Pilot) Rroli, i cili u ekzekutua me breshëri kallashnikovi mëngjesin e sotëm në Saxhak të Kurbinit.
Mësohet se biznesmeni i materialeve të ndërtimit po udhëtonte me makinë në momentin që u qëllua për vdekje.
Nga pamjet e siguruara nga Top Channel duket makina tip ‘Audi’ me të cilën po udhëtonte biznesmeni, babai i tre fëmijëve, e cila është bërë “shoshë” nga plumbat e kallashnikovit.
Autorët mësohet se e kanë ruajtur dhe ndjekur objektivin, që sapo ka dalë nga banesa dhe sapo është futur në rrugën që lidh fshatin Sanxhak me Kurbinin e kanë qëlluar me breshëri kallashnikovi.
Viktima rezulton si një ish i burgosur në burgun e Shënkollit. Në vitin 2011 ai është përfshirë në plagosjen e një 22-vjeçari, ku së bashku me një person tjetër, rrahën me sende të forta të riun, duke e plagosur rëndë, pas një sherri për motive banale.
Burime për Top Channel bëjnë me dije se janë 3 persona të dyshuar të përfshirë në atentatin e bërë ndaj biznesmenit, ndërsa policia ka rrethuar zonën dhe janë ngritur pika kontrolli me qëllim kapjen e tyre.
Top Channel
