Agresioni rus, Erdogan takohet me shefin e NATO-s, diskutojnë fundin e luftës në Ukrainë 25/11 20:42
Më poshtë shihen momentet kur një grup studentësh të shkencave “mjedisore” detyrohen të vrapojnë për jetën e tyre kur një elefant i tërbuar për seks sulmon automjetin e tyre duke e përmbysur në Afrikën e Jugut.
Studentët e turizmit po shëtisnin në rezervatin natyror Selati, pranë atij më të famshëm Kruger në Afrikën e Jugut, kur elefanti mashkull i sulmoi gjatë asaj që autoritetet quanin “agresion seksual në sezonin e çifitmit”.
Pamjet e publukuara tregonin momentet kur automjeti i tyre i hapur ecte në një rrugë balte mes bimësisë, para se të përmbyset jashtë rruge nga sulmi i elefantit të nevrikosur.
Elefanti 4 metra i lartë tmerroi studentët që nisën të vraponin për jetën e tyre.
Në pamje shihet kafsha që godet me dhëmbët e tij trupin e makinës duke shkatërruar pjesën e përparme.
Stafi u detyrua të braktiste mjetin dhe u kthyen për ta rekuperuar vetëm pasi tufa e elefantëve ishin larguar.
Autoritetet besojnë se elefanti ishte mashkulli kryesor i tufës dhe sulmoi automjetin pasi iu afrua shumë femrave të tij.
Kur elefantët meshkuj janë në periudhën e çiftimit ata mund të hyjnë në fazën e agresionit seksual prej nivelit të lartë të testosteronit në trupin e tyre, që shumëfishohet dhjetra herë.
Kjo bën që ata të shfaqin sjellje të ashpra territoriale, agresive e të dhunshme, si ndaj rivalëve ashtu dhe të tjerëve që mund të gjenden në rrugën e aktivitetit.
Studentët ishin duke kryer një kurs eko-trajnues në kuadër të mësimeve për guida tursitike dhe ‘guardianë të natyrës’.
Kurset EcoTraining kryhen në rezervatin 10,000 hektarësh Selati ku jetojnë rreth 135 elefantë si dhe rinocerontë, luanë, leopardë e gepardë.
Top Channel
Agresioni rus, Erdogan takohet me shefin e NATO-s, diskutojnë fundin e luftës në Ukrainë 
