Kandidati prorus prin në zgjedhjet presidenciale në Rumani 25/11 08:36
Ish-diktatori i Koresë së Jugut, Chan Zhouhan ka ndërruar jetë sot në moshën 90-vjeçare. Gjenerali në pension ndëroi jetë në shtëpinë e tij në Seul, njoftoi agjencia kombëtare e lajmeve e Koresë së Jugut Yonhap.
Regjimi ushtarak i Chan Zhouhan mbikëqyri një periudhë të rritjes së fortë ekonomike në Korenë e Jugut. Ai gjithashtu arriti të sigurojë Olimpiadën e Seulit 1988. Zhouhan ishte lideri i parë i Koresë së Jugut që e dorëzoi pushtetin në mënyrë paqësore.
Chan erdhi në pushtet ndërsa vendi ndodhej në grusht shteti ushtarak, në vitin 1979 që rrëzoi Presidentin Park Geun-hye. Ai sundoi nga viti 1980 deri në 1988, duke shtypur brutalisht çdo opozitë. Deri më sot, ajo mbetet një nga format më të urryera të diktaturës ushtarake në Korenë e Jugut.
Ish- diktatori njihej edhe si “kasapi i Guangzhou” sepse urdhëroi ushtrinë të shuante me gjak kryengritjen kundër juntës në këtë qytet në pjesën jugperëndimore të vendit.
Numri zyrtar i viktimave, të vdekur dhe të zhdukur, ishte rreth 200, por aktivistët kundër diktaturës thonë se numri ishte më i shumëfishtë. Besohet se mijëra njerëz kanë humbur jetën, kryesisht studentë.
Në vitin 1996, ai u dënua për tradhti dhe u dënua me vdekje, pjesërisht për ngjarjet në Guangzhou. Por dënimi me vdekje u ndryshua në apel dhe ai u lirua me një falje presidenciale.
Chun mbeti i papenduar për masakrën . “Jam i sigurt se do të kisha bërë të njëjtën gjë nëse do të ishte krijuar e njëjta situatë”, dëshmoi ai në gjykatë gjatë “gjyqit të shekullit”, siç është bërë e ditur.
Top Channel
