Dënimi që kanë vuajtur disa nga banorët e shtëpisë më të famshme në Shqipëri, ka pasur edhe pasazhe të bukura për një pjesë të banorëve.
Ishte dj PM ai i cili ka zgjedhur që me një pjesë të banorëve të kalojë momente të gëzueshme. Ai ka vendosur që të nxjerrë nga dënimi për disa orë disa prej banorëve të rinj në moshë, ndërsa pjesën tjetër i ka lënë në dhomën e dënimit.
Mes personave që u lanë në dhomën e dënimit ishte Monika dhe Iliri, të cilët edhe sot nuk e lanë pa komentuar vendimin e PM.
Monika tha se u ndje e paragjykuar, ndërsa shtoi se ajo përshtatet me të rinjtë, por ata e kanë të vështirë përshtatjen me moshën e tyre.
“E ndjeva si një lloj paragjykimi të Pajtimit, ishte në momentin kur emrat tanë u thanë. Kishe dëshirë të bëje qejfin me moshatarët e tu. Nëse do ishte për dënim do ishte shumë e bukur të rrinin deri në 12”, tha Monika.
Ndërsa Iliri u shpreh se ai kishte kërkuar vetë që sëbashku me Sabianin të mos shkonin, por sërish theksoi se do kishte dashur që dj PM ta kishte pyetur a e pinte alkoolin.
“Më erdhi keq që megjithëse unë dhe Sabi ngritëm dorën të parët për të mos marrë pjesë te party, thjeshtë të na kishte pyetur po ju o çuna pini alkool”, tha Iliri.
Kjo deklaratë e Ilirit solli edhe reagimin e opinionistes Balina Bondinaku e cila mes të qeshurash i kujtoi Ilirit, që vetë e kishte ngritur dorën për të mos shkuar, por nga ana tjetër nuk la fjalë pa thënë lartë e poshtë për të rinjtë, ndërsa festonin.
Top Channel
