![](https://top-channel.tv/wp-content/uploads/2024/06/vlcsnap-2024-06-16-19h32m27s933-800x450.png)
Një qytetar ra në prangat e policisë për ndërtim pa leje në zonën e mbrojtur të Valbonës.
Ai po ndërtonte një shtëpi pa marrë leje në autoritetet përkatëse.
“Në vijim të punës për parandalimin, evidentimin dhe ndëshkimin e ndërtimeve pa leje, veçanërisht brenda vijës së verdhë në zonat urbane dhe ato të mbrojtura, shërbimet e Komisariatit të Policisë Tropojë, arrestuan në flagrancë për veprën penale “Ndërtimi i paligjshëm”, shtetasin R. H., banues në Valbonë. Ky shtetas po ndërtonte një objekt pa leje, në fshatin Valbonë, e cila është zonë e mbrojtur”, sipas policisë.
Sipas policisë, materialet në ngarkim të tyre i kaluan Prokurorisë së Rrethit Gjyqësor Tropojë, për veprën penale “Ndërtim i paligjshëm”.
Top Channel