Izraeli për Iranin: Ne zgjodhëm të mos goditnim objektet bërthamore, mund të ishte më keq! E kemi të lehtë ta bombardojmë… 19/04 13:16
Një metalurge në Washington u shpall fajtore për mashtrim pasi për dekada me radhë, falsifikoi rezultatet e testeve të forcës në çelikun që përdorej për të prodhuar nëndetëset e Marinës.
Prokurorët thonë se 67-vjecarja, Elaine Marie Thomas, ka dhënë rezultate të rreme pozitive të testeve të forcës dhe rezistencës në të paktën 240 raste.
Testet në fjalë datojnë në periudhën e viteve 1985 dhe 2017. Autoritetet nuk kanë bërë publike sakaq se cilat janë nëndetëset e prekura nga ky skandal.
Ata thonë megjithatë, se nuk ka prova që të tregojnë se mjetet kanë pësuar dëmtime.
Thomas ishte drejtoreshë e metalurgjisë në një furrnaltë në Tacoma, e cila furnizonte me celik nga kontraktorët e Marinës që merreshin me ndërtimin e nëndetëseve.
Furrnalta ishte blerë në 2008-ën nga prodhuesi Bradken në vitin 2008, por nuk ka asnjë fakt që të dëshmojë se drejtuesit e kësaj kompanie, mund të kenë qenë në dijeni të mashtrimit.
Skema u zbulua rastësisht nga një punonjës laboratori i cili pa se dokumentet e testimit ishin ndryshuar dhe kishte mospërputhje të madhe mes të dhënave të raportuara.
Top Channel
