Hiqen dy prej anëtarëve të jurisë të përzgjedhur për gjyqin penal ndaj ish-presidentit Trump 18/04 20:58
Udhëheqës të Britanisë e Irlandës shënuan sot 100-vjetorin e ndarjes së Irlandës me Irlandën e Veriut në nje shërbesë të nderë fetare për momentin e kontestuar të historisë së provincës.
Mediat vendase e quanin pervjetori i dhimbjes dhe i ndarjes.
Kryepeshkopi Eamon Martin mbajti një fjalim për 100-vjetorin e ndarjes së Irlandës dhe formimin e Irlandës së Veriut.
Në vitin 1921, ishulli u nda në Irlandën e Veriut dhe në Shtetin e Lirë të Irlandës.
Shërbesa në katedralen Protestante u bojkotua nga presidenti i Irlandës Michael Higgins si dhe nga ministrja e parë e Irlandës së Veriut, Michelle O’Neill.
Me sa duket duke parë mungesat, edhe mbretëresha Elizabeth njoftoi tërheqjen nga eventi, duke cituar arsye shëndetësore.
Qeveria e Irlandës përfaqësohej nga ministri i jashtëm Simon Coveney e ministri i brendshëm, pas tërheqjes së presidentit.
Shërbesa u dha nga kreu i Kishës Metodiste Irlandeze, Sar Yambasu.
Ky i fundit është me origjinë nga Sierra Leone, dhe është i pari lider afrikan i një kishe madhore në Irlandë.
Pallati mbretëror britanik tha zyrtarisht se “mbretëresha duhet të merrte pjesë në event por u tërhoq të mërkurën duke pranuar këshillën e mjekëve për pushim”.
Top Channel
