Vitrina e librit/ Shitësi i këpucëve – Phil Knight

 

Knight i shiti këpucët nga bagazhi i makinës së tij Plymouth Valiant, dhe në vitin e parë, në 1964-ën, arriti të ardhura bruto prej tetëmijë dollarësh. Sot, shitjet e kompanisë Nike e kalojnë vlerën $30 miliard. Në këtë epokë start-up-esh, kompania Nike e Knight-it është standardi i artë, dhe logoja e saj është simbol i elegantes dhe madhështisë, një nga ikonat e pakta që njihen menjëherë në çdo cep të botës. Por Knight ka qenë gjithnjë misterioz. Tani, në këtë autobiografi të habitshme, modeste, pa filtra, me humor dhe të gdhendur bukur, ai tregon më në fund historinë e tij. Gjithçka nis me një moment tipik udhëkryqi.

Njëzetekatër vjeç, duke udhëtuar me një çantë shpine përmes Azisë, Europës dhe Afrikës, në luftë me Pyetjet e Mëdha të jetës, Knight vendos se rruga e pashkelur është e duhura për të. Në vend që të punojë për një korporatë të madhe, ai do të krijojë diçka të tijën, diçka të re, dinamike, dhe ndryshe.

Knight tregon në detaj rreziqet tmerruese me të cilat është përballur përgjatë rrugëtimit, vështirësitë dërrmuese, konkurrentët e pamëshirshëm, ata që hidhnin hije dyshimi dhe e kritikonin, bankierët armiqësorë, si dhe triumfet emocionuese.

Mbi të gjitha, ai kujton marrëdhëniet themelore që krijuan zemrën dhe shpirtin e kompanisë Nike, me ish-trajnerin e tij gjaknxehtë dhe karizmatik, Bill Bowerman dhe me punonjësit e tij të parë, një grup i çorganizuar jokonformistësh dhe intelektualësh, që shpejt u kthyen në vëllezër të çmendur pas kompanisë.

Së bashku, duke shfrytëzuar fuqinë elektrizuese të një vizioni guximtar dhe besimin e përbashkët te fuqia shpëtuese dhe transformuese e sporteve, krijuan një brand dhe një kulturë, që ndryshoi gjithçka.

Komente mbi librin

“Një kujtesë e sinqertë se si duket në të vërtetë rruga drejt suksesit në biznes… një rrëfim i mahnitshëm.”

Bill Gates, një nga librat e tij të preferuar të vitit 2016

“Libri më i mirë që kam lexuar vjet… Phil është një tregimtar i talentuar.”

Warren Buffett

“Një sagë e mrekullueshme e inovacionit, mbijetesës, dhe triumfit.”

Aandre Agassi

“Udhëtimi i një heroi të jashtëzakonshëm, një rrëfim epik për besimin, vendosmërinë e pashembullt, ekselencën, dështimin, triumfin, mençurinë e fituar me mund dhe dashurinë. Është veçse një mrekulli që Nike ekziston.”

Lisa Genova, autore bestseller e “New York Times” për librat “Still Alice” dhe “Inside the O’Briens”

 

 

Detaje të librit

Titulli: Shitësi i këpucëve
Origjinali: Shoe Dog: A memoir by the creator of Nike
Gjinia: Kujtime
Autori: Phil Knight
Shqipëroi: Gjergj Kaftani
Shtëpia botuese: Minerva
Viti: 2019
Fq. 454

Top Channel