Tentoi të vriste një person në 2021-shin, vihet në pranga pas tre vitesh arrati autori 24/11 10:25
Shumë njerëz gjatë këtyre 1.5 viteve të fundit të krizave dhe ndryshimeve drastike, kanë vendosur se duan një drejtim të ri në jetë … madje disa të tjerë thonë se kërkojnë “të gjejnë vetveten”.
Por një burrë në Turqi duket se e kishte marrë tekstualisht këtë ide, kur iu bashkua një grupi kërkimi për një person të humbur… që në fakt ishte ai vetë, shkruan Sian Elvin e britanikes Metro.
Daily Sabah tregonte se 50 vjeçari Bejhan Mutlu ishte shpallur i humbur dje në Inegöl, në provincën veriperëndimore turke të Bursa.
Familjarët bashkë me gruan e tij nuk mund të kontaktonin me te prej shumë orësh dhe u shqetësuan.
Më vonë ata kontaktuan autoritetet për të kërkuar ndihmë, dhe kështu nisi operacioni i kërkimit.
Por Bejhani, thjesht kishte qenë duke pirë me miqtë dhe më pas, disi i dehur kishte hyrë në një zonë pyjore.
Aty ai hasi grupi e punonjësve të shpëtimit dhe vendosi t’i ndihmonte.
Ishte vetëm kur një nga personat e skuadrës përmendi emrin e të kërkuarit ‘Bejhan Mutlu’ dhe burri iu përgjigj ‘jam këtu,’ kur të gjithë mbetën të habitur.
Autoritetet morën një deponim nga i humburi dhe më pas e dërguan në shtëpi, teksa ai thoshte se ishte i shqetësuar për telashet që e prisnin me familjen.
Bejhan tha në polici: “Mos më dënoni rëndë oficer. Babai do të më vrasë.”
Nuk është e qartë nëse atij iu hoq vërejtje në shtëpi për sjelljen.
Por kjo nuk është hera e parë që ndodh diçka e tillë.
Një grua që vizitonte kenionin islandez Eldgja në vitin 2014 u shpall e humbur kur kishte shkuar për pak minuta në tualet për t’u ndërruar.
Kur gruaja ishte kthyer në autobuz, kolegët e udhëtimit nuk e njohën, dhe nisën të krijonin grupet e kërkimit për ta shpëtuar.
Edhe vetë gruaja nuk e njohu veten në përshkrimin e “të humburës” qe iu dha, prandaj u bashkua me rreth 50 të tjerë që kërkonin atë që në fakt ishte, vetë ajo.
Kërkimet kishin vazhduar gjithë ditën dhe u ndaluan vetëm rreth orës 3 të natës kur u kuptua se gruaja që po kërkohej ishte me ta duke “kërkuar për veten”.
Top Channel
