Kulturë Të Fundit

Në ankand “Vjeshta” e Vangjush Mios/ Piktura e vitit 1939 me çmimin 12 mijë euro

25/09/2021 15:10

Programi Artkand në këtë episod special prezantoi një vepër të Vangjush Mios, “Vjeshtë”, Vaj në kanavacë, viti 1936, përmasa 47×59 cm, çmimi 12 000 euro.

Vepra e cila është pronë e familjes është marrë pas një kohe të gjatë negociatash me familjen.

Vangjush Mio mbetet një nga pionierët e dritës në pikturë.

Një nga figurat më të rëndësishme të arteve pamore shqiptare, peizazhist dhe portretist i shquar, i vlerësuar dhe i njohur si poeti i peizazhit shqiptar.

Në këtë tablo shohim një nga rrugët e fushës së Korçës, ashtu sikurse piktori pikturonte gjithmonë në natyrë.
Vangjsh Mio studio në Bukuresht dhe Romë, por i mbeti besnik vendlindjes së tij Korcës.

Në Galerinë Kombëtare të Arteve, Tiranë ruhen pesëdhjetë e shtatë vepra të piktorit Vangjush Mio, ndërsa në Galerinë e Artve, Korçë ruhen trembëdhjetë vepra nga mjeshtri.

Pas viteve 1990 shumë koleksionistë privatë blenë vepra të Mios nga vajza e tij Rozeta që trashëgon në Korçë punimet e tij.

Vepra jonë do të qëndrojë në ankand të paktën për një javë.

Gjithashtu në program u prezantua edhe Gazmend Muka nëpërmjet këtij Kompozimi në vaj me çmimin 1500€. Si dhe Shkëlqim Kokonozi me Portret vajze, po me çmimin 1500 euro.

Top Channel