Nuk ka qetësi mes Izraelit dhe Hezbollahut, vijojnë sulmet! Plagosen ushtarët
17/04 22:41
Puna për stabilizimin e katedrales së Notre Dame në Paris ka perfunduar sot, duke lejuar nisjen e fazës së restaurimit artistik, dy vjet pas zjarrit shkatërrimtar që rrëzoi majën e saj simbolike.
Pak pas zjarrit të prillit 2019, presidenti francez Emmanuel Macron, tha se katedralja e shekullit të 12-të do të rindërtohet, duke premtuar rihapjen e saj për besimtarët në 2024.
Faza finale e punimeve të sigurisë përfshinte përforcimin e kupolave të prekura nga zjarri me harqe të drunjta, teksa zyrtarët ndërtues thonë se mund të kapin datën e hapjes së kërkuar nga Macron.
Katedralja do të restaurohet në dizajnin e saj të mëparshëm, duke përfshirë dhe majën e saj 100 metra të lartë, të krijuar nga arkitekti Eugèn Viollet-le-Duc në mesin e viteve 1800.
Zjarri në Notre Dame shokoi Francën dhe audiencat botërore, teksa parizienët u mblodhën të shtangur para katedrales që shënon qendrën e Parisit.
Top Channel
