Mbetën të varura me kokë poshtë për 25 minuta për shkak të një defekti në një park lojërash, gjykata urdhëron dëmshpërblim 550 mijë dollarësh për dy adoleshentet amerikane 21/08 15:58
Skema e ngjyrave
Madhësia e shkrimit
Fqinjët kishin dëgjuar ulërima të dëshpëruara nga shtëpia e tragjedisë, teksa Lauren Dickason akuzohet se ka vrarë barbarisht dy binjaket e saj dy-vjeçare dhe bijën tjetër gjashtë vjeçare teksa familja sapo ishte vendosur në një ishull të Zelandës së Re, nga Afrika e Jugut.
40 vjeçarja Lauren Dickason, akuzohet për vrasjen e binjakeve Maya e Karla, dhe motrës së tyre gjashtë-vjeçare Liane në shtëpinë e tyre të re në Timaru në jug të Zelandës së Re, të enjten tragjike të 16 shtatorit.
Familja sapo kishin ardhur ne vend nga Afrika e Jugut, teksa kryen karantinen 14 ditore para nisjes se jetes se re.
Barbarizmi ndodhi dy ditë pasi familja kishte mbaruar karantinën e detyruar të koronavirusit në një hotel, kur babai i viktimave Graham Dickason u kthye në shtëpi rreth orës 10 të darkës dhe gjeti trupat e vajzave të vogla.
Sipas rrjetit vendas Stuff, fqinjët dëgjonin ulërimat e dëshpëruara të babait dhe thirrën shërbimet e emergjencës, por vajzat nuk mund të shpëtoheshin.
Vrasësja e dyshuar Lauren Dickason, e cila është doktoreshë, u dërgua në spitalin e Timaru dhe është në gjendje të qëndrueshme.
Çifti kishin festuar së fundmi 15 vjetorin e martesës dhe Lauren Dickason kishte komentuar në rrjetet sociale: “Çfarë Aventure. Kemi krijuar një familje të mrekullueshme me shumë kohë të bukura së bashku”.
Por realiteti rrjetit social rezultoi e kundërta e tragjedise së botës reale.
Duke folur nga Afrika e Jugut, prindërit e shokuar të Lauren Dickason, Wendy e Malcolm Fawkes thanë: “Familjet tona janë të shokuara, po përpiqemi të kuptojnë e të pranojmë atë që ka ndodhur, kërkojmë lutje e mbështetje në këtë kohë të vështirë”.
Lauren Dickason pritet të dalë në gjyq në Timaru më 18 shtator.
Top Channel
