Beleri kandidat në Greqi për eurodeputet, Babaramo: Figura e ekstremit të djathtë grek, një njeri me 4 klasë shkollë që e flet greqishten copë-copë 18/04 22:46
Pas vizitës se kancelares Angela Merkel, më 28 shtator në Shqipëri do të vijë Presidentja e Komisionit Evropian Ursula von der Leyen. Ishte Ambasadori i BE, Luigi Soreca, i cili dha lajmin, pasi Presidentja e KE njoftoi nisjen e një turi në Ballkanin Perëndimor në fund të këtij muaji.
Ajo tha në një deklaratë se Bashkimi Europian po përgatitet për investime të qenësishme në Ballkan, të cilat i përshkroi si investime për të ardhmen e BE-së.
“Investimet në Ballkanin Perëndimor janë investime në të ardhmen e Bashkimit Europian. Për këtë qëllim BE-ja është duke zbatuar plane të veçanta për investime në vendet e rajonit. Këto investime përbëjnë 1/3 e prodhimit të brendshëm bruto të vendeve të rajonit”- tha Ursula von der Leyen.
Von der Leyen përmendi më tej masat që ka ndërmarrë Bashkim Europian që prej fillimit të pandemisë duke përmendur atë që e quajti sukses të bllokut në vaksinim, ndihmën me vaksina për vendet e tjera dhe miratimin e planit për t’iu ndihmuar shteteve anëtare për rimëkëmbje ekonomike.
Pas Shqipërisë, Von der Lejen me 29 shtator do të vizitojë Kosovën dhe do t’i përmbyllë takimet në Serbi dhe Bosnje-Hercegovinë.
Top Channel
