Një avion privat ka rënë në afërsi të ishullit grek Samos mbrëmjen e sotme.
Mësohet se avioni kishte pasagjerë izraelitë, pasi ishte një fluturim nga Izraeli.
Piloti kishte njoftuar zbritjen në aeroportin e Samosit, ndërsa rënia e avionit ndodhi pak milje para uljes në pistë, 200-500 metra nga bregu i detit.
Në zonë fryn erë por kushtet e fluturimit ishin normale, ndërsa dyshohet për defekt teknik.
Avioni “Cesna 172” është me 4 vende, por ende nuk dihet se sa persona kanë qenë në bord.
Mësohet se janë gjetur dy viktima deri tani, një vajzë dhe një djalë, ndërsa në zonë janë ekipet e shpëtimit të Frontex dhe rojës bregdetare greke.
Top Channel ka siguruar video në zonën e kërkimeve në vendin e quajtur “Ngushtica e Mikalit”, e cila ndodhet mes brigjeve greke dhe turke.
Top Channel
