Ish-kryeministri Sali Berisha ka mohuar që ta ketë zgjedhur ai Lulzim Bashën si udhëheqës të Partisë Demokratike.
I pyetur nga Blendi Fevziu nëse është penduar që e zgjodhi për udhëheqjen e PD, Berisha tha se atë e zgjodhën anëtarët e PD-së në një garë të hapur, ndërsa ai sot vuri në plan të parë interesat e veta dhe jo ato të PD.
Pjesë nga diskutimi:
Berisha: Nuk e zgjodha edhe ja u them 1000 herë e zgjodhën anëtarë e PD në një garë të hapur, por për vendimin e tij të sotëm ai mendoi se i ka bërë goditjen më të rëndë vendit për interesa të veta, PD dhe pluralizmit në Shqipëri.
Cili do jetë reagimi juaj?
Berisha: Do bëj gjithçka për rivenosjesn e sovranitetit të PD në ato parime që i shkelmoi sot në mënyrë të paimagjinueshme Basha, dhe pa të cilat forca politike është një fasadë opozitë. Largimi nga parlamenti nuk ishte më i rëndë se ky sepse nuk ishte dorëzim sovraniteti, apo fasadë opozitë, të drejta apo të gabuara ato ishin opozitë.
SHBA janë një vend i admirueshëm, por kur gabojnë duhet durim që ata të korrigjojnë gabimin e tyre. Pa asnjë diskutim do të marrë çdo aksion për të rivendosur sovranitetin e PD. Do të krijojë aleancë, do bashkëpunoj me çdo qytetar që beson se ky vend duhet të ketë PD sovrane.
Top Channel