Lezhë/ Banesa përfshihet nga zjarri, pronari pëson djegie teksa tenton të shuajë flakët
09/09/2021 19:53
Sherr mes shoferëve në doganën e Kapshticës, një i plagosur 01/05 15:44
Një banesë është përfshirë nga flakët, në rrugën ‘Shtraus’ të Lezhës. Ngjarja ka ndodhur rreth orës 19:20 dhe si pasojë e flakëve ka pësuar dëmtime pronari i banesës.
Teksa ka tentuar të shuajë flakët, pronari ka pësuar djegie të lehta në pjesën e shpinës dhe në parakrah. Ai është nisur për ndihmë mjekësore në spitalin e Lezhës dhe gjendja e tij fatmirësisht nuk paraqitet e rëndë.
Në momentin kur banesa ka marrë flakë brenda saj kanë qenë edhe familjarë të tjerë, por që nuk kanë pësuar lëndime, ndërsa dëmet materiale janë të konsiderueshme.
Sakaq shërbimet e Policisë dhe të zjarrfikëses kanë shkuar në vendin e ngjarjes dhe kanë bërë të mundur shuarjen e zjarrit, kurse grupi hetimor punon për sqarimin e plotë të rrethanave të ngjarjes dhe përcaktimin e shkakut të rënies së zjarrit.
Top Channel
