Berat – Një aksident ka ndodhur mbrëmjen e sotme në aksin rrugor Axhensi-Ura e Goricës, ku një 26-vjeçar humbi kontrollin e automjetit tip “Benz”.
Për pasojë, hipi mbi trotuar dhe u përplas me një dyqan anës rrugës. Nga përplasja, u dëmtuan katër këmbësorë të rastit, të identifikuar me inicialet A.K, R.S, T.R, dhe A.S, të cilët ndodhen në Spitalin Rajonal Berat.
“Sot , rreth orës 19:00 në aksin rrugor Axhensi-Ura e Goricës, në vendin e quajtur Axhensia shtetasi E.P., 26 vjeç, duke drejtuar mjetin tip Benz ka humbur kontrollin, ka hipur në trotuar dhe është përplasur me një dyqan anës rrugës.
Për pasojë janë dëmtuar këmbësorë të rastit, shtetasit A.K, R.S, T.R, dhe A.S, të cilët ndodhen në Spitalin Rajonal Berat”, thuhet në njoftimin e policisë.
Grupi hetimor po punon për zbardhjen e rrethanave të aksidentit.
Top Channel
