VIDEO/ Tronditëse, babai detyron 6-vjeçarin të vrapojë “drejt vdekjes”, i mituri rrëzohet disa herë në palestër dhe… 02/05 21:59
Të dhënat e fundit nga baza e të dhënave evropiane për sigurinë e vaksinës Pfizer -BioNTech tregojnë se që nga 29 korriku, kur u dhanë rreth 330 milionë doza, vendet evropiane kanë raportuar një total prej 244.807 rastesh të efekteve anësore në Agjencinë Evropiane të Mjekësisë ( EMA). Raporti thotë se 4.198 prej tyre raportuan një rezultat fatal, edhe pse mbetet “e paqartë nëse vaksina është shkaku”, raporton Guardian.
Profesionistët e kujdesit shëndetësor dhe personat e vaksinuar inkurajohen të raportojnë tek autoritetet kompetente qeveritare çdo dyshim për efektet anësore pas marrjes së vaksinës, edhe kur nuk është e qartë nëse vaksina është shkaku i këtyre efekteve anësore.
Fakti që dikush kishte një problem shëndetësor ose vdiq pas vaksinimit nuk do të thotë se është shkaktuar nga vaksinimi. Gjithashtu mund të shkaktohet nga probleme shëndetësore që nuk lidhen me vaksinimin.
EMA mbështetet në profesionistët e kujdesit shëndetësor dhe pacientët për të raportuar përvojën e tyre me vaksinat dhe efektet anësore të mundshme. Ndërkohë, raporti i fundit për vaksinën AstraZeneca tregon se që nga 4 korriku, pasi janë dhënë rreth 58 milionë doza, janë raportuar gjithsej 152.250 raste të efekteve anësore nga vendet evropiane, nga të cilat 938 janë fatale.
Me të njëjtat paralajmërime dhe duke theksuar se këto janë raporte spontane, EMA tha se që nga 4 korriku, pas dhënies së rreth 35 milionë dozave të vaksinës Moderna, gjithsej 36.294 raste të efekteve anësore janë raportuar nga vendet evropiane, me 347 prej tyre që raportojnë rezultate vdekjeprurëse.
Top Channel
