“Serbia nuk luan dot me Kosovën”/ Deputeti gjerman, Thomas Hacker: Bisedime të reja pas zgjedhjeve
24/11 12:24
Një 64 vjeçar nga fshati Fshat i Ri i Malishevës dyshohet të jetë viktima e parë nga zjarret.
A Gegaj, sipas raportit të mjekut dyshohet të ketë vdekur nga tymi si pasojë e zjarrit nga djegia e stallës së bagëtisë.
Sipas deklaratës së familjarëve në polici, i ndjeri të martën në ora një pas mesnate kishte shkuar tek stalla e cila ishte përfshirë nga zjarri një ditë më parë si pasojë e lidhjeve të shkurta nga rrjeti elektrik shkak i erërave të forta, që të sigurohej nëse zjarri ishte shuar plotësisht apo ishte riaktivizuar.
Familjarët të cilët nuk deshën të flasin para kamerës treguan se të ndjerin e kanë gjetur rreth një orë më vonë.
Megjithëkëtë, pas konsultimeve me prokurorin e shtetit rasti është kualifikuar si “hetim i vdekjes” për çka trupi i pajetë është dërguar në Institutin e Mjekësisë Ligjore për obduksion.
Në Agjencinë e Menaxhimit të Emergjencave, tregojnë se kjo dyshohet të jetë viktima e parë nga zjarret.
E gjatë së mërkurës vatrat e zjarrit janë rritur në nëntë, por në përmasa më të vogla.
Top Channel
