Tmerr nga bota e egër/ Momentet e rënda kur krokodili kanibal ha më të voglin në Afrikë (fotot)

30/07/2021 16:02

Imazhet e vrazhda tregojnë një krokodil kanibal 6 metra të gjatë që ha një nga të vegjëlit e tij në rezervatin afrikan.

Krokodili i Nilit është fotografuar duke kapur të voglin nga koka në nofullat e tij, dhe më pas duke e vrarë në ujë.

Në të tjera imazhe shihen dhe krokodilë të tjerë që bashkohen për të këputur ndonjë copë nga zvarraniku më i vogël.

Pamjet u morën nga fotografi Tim Driman, në deltën e lumit Okavango në Botsvana, nga rreth 40 metra largësi.

Viktima ishte një mashkull i ri që besohej se ishte rreth 10 vjeç.

“Ne pamë sesi ata shqyenin gjymtyrët e tij që e bënte më të thjeshtë copëtimin”, tha Tim.

“Kanibalizmi mes krokodilëve të rritur nuk është dokumentuar shumë, kështu isha i gëzuar të kapja pamjet, edhe pse janë mjaft të vështira”, shtoi fotografi.

“Në kohë thatësire të ashpër, unë qëndroj gjithmonë pranë burimeve ujore, ku zhvillohet shumica e aksionit të botës së egër. Sot këtu gjetëm rreth 64 krokodilë Nili që po silleshin rrotull. Kishte mjaft veprim pasi në ujë kishte mjaft peshk mustak. E dija që herët e vonë do të vinte momenti i gjuetisë, por nuk e mendoja se do të kryhej brenda species”.

“Krokodili i madh notoi drejt një mashkulli që ishte sa gjysma e tij, dhe pa paralajmërim hapi nofullat gjigante dhe e kapi fort nga koka”.

Krokodilët e Nilit mund të jetojnë deri në 60 vjet dhe të peshojnë deri në 700 kg. Ata njihet që kanë sjellje kanibale kur luftojnë për territor.

Fotografi tregon: “Papritur uji shpërtheu me përplasje dhe kokat e bishtat e krokodilëve fluturonin në ajër, teksa më i vogli kuptoi se po hahej nga një tjetër”.

“Zhurmat terhoqen krokodilë të tjerë dhe shpejt një tufë u mblodh duke kërkuar një copë nga gjahu”.

“Krokodili i copëtua prej sulmit nga të gjitha drejtimet teksa copat e trupit të tij merreshin e rrotulloheshin në ujë në stilin e “rrotullimit të vdekjes” të përdorur nga krokodilët për gjahun.

FOTO GALERI
1/5
Imazhet e vrazhda tregojnë një krokodil kanibal 6 metra të gjatë që ha një nga të vegjëlit e tij në rezervatin afrikan.

Top Channel