Izraeli sulmon Libanin/ Dronët shënjestrojnë makinën me aleatin e grupit militant Hezbollah 26/04 21:44
Një nënë në Oklahoma të SHBA, është arrestuar pasi vajza e saj 12-vjeçare lindi një bebe në spital.
Policia vendore njoftoi dje arrestimin e Desireee Castaneda, së bashku me babanë e fëmijës, 24 vjeçarin Juan Miranda-Jara. Ky i fundit u akuzua për abuzim me të mitura, por tha në polici se ishte “në një marrëdhënie” me fëmijën prej tetorit.
“Hetimet zbuluan se nëna e fëmijës dhe anëtarë të familjes ishin në dijeni të marrëdhënies mes viktimës dhe Miranda-Jara,” tha policia e Tulsa.
“Familja kishin lejuar marrëdhënien, madje kishin organizuar festën e pritjes së bebes së viktimës dhe të dyshuarit.”
Castaneda u akuzua me neglizhim të fëmijës dhe ndihmë më abuzimin seksual të të miturve.
Vajza e saj dhe bebja e sapolindur janë në spital dhe besohet se janë mirë me shëndet.
Babai i 12-vjeçares raportohet se është në burg me një akuza përdhunimi, që nuk kanë lidhje me çështjen.
Policia ishte njoftuar nga doktorët e spitalit Hilcrest ku vajza kishte shkuar të lindte.
Policia tha se Miranda-Jara pranonte “me krenari” se ishte babai i fëmijës që po lindte ‘e dashura’ e tij dhe dukej se nuk e kuptonte përse u arrestua nga policia.
Mosha e pranimit të marrëdhënieve seksuale në Oklahoma është 16 vjeç.
Megjithë moshën e saj të vogël, vajza 12-vjeçare kishte lindur një bebe të shëndetshme vajzë dhe kishte dalë nga spitali.
Top Channel
