Një nga biznesmenët në zonën e Lungomares është përplasur me disa policë në mbrëmje për mbylljen në orarin e vendosur për shkak të COVID.
Policia ka dalë për kontroll normal për të parë të gjitha bizneset që nuk ishin të mbyllura pas iorës 24:00, ndërsa janë përplasur edhe me qytetarin.
Biznesmeni u është drejtuar policive se përse nuk u vënë gjoba makinave apo qytetarëve që janë në rrugë edhe pas orarit të caktuar, por sulmojnë vetëm bizneset.
Ai e ka regjistruar me telefon të gjithë përplasjen mes tyre.
Debati mes tyre:
Qytetari: Skandal i madh terror policor në Lungomare s’mund të punohet kështu po na trembin turistët.
Polici: mbyll lokalin
Qytetari: Unë e kam të mbyllur na makinat pse nuk i ndalon ja ku i ke njerëzit, pse nuk i ndaloni, ja ku i keni.
Polici: Ca janë këto gjëra që thua.
Qytetari: Veje gjobën pra, na makinën.
Polici: Mos më prek.
Qytetari: S’po të prek fare, po të them ndaloni makinat, prije gjobën. Ligji është njësoj për të gjithë.
Polici: Mos më prek me dorë se jam më i ri, ta kaloj gjuhën poshtë.
Qytetari: Ti ma kalon gjuhën poshtë mua?
Polici: Ti je i vetmi që po bën zhurmë . Mos bëj të fortin, mbyll lokalin.
Qytetari: Unë nuk jam i fortë, unë punoj me gjak, e kam me djersë e gjak, ligji është i barabartë për të gjithë.
Top Channel
