Dy ditë pas shkarkimit të Fatos Tushes, Rama thërret në Kryeministri kryebashkiakët

09/07/2021 12:09

Kryeministri Edi Rama ka thirrur sot në një takim në Kryeministri të gjithë kryebashkiakët.

Gazetari i “Top Channel”, Muhamet Veliu tha se takimi i Ramës me kryebashkiakët do të zhvillohet në orën 12:00.

Takimi vjen një ditë pas mbledhjes që Rama bëri me drejtuesit e rinj të Policisë në vend. Ndërsa dy ditë më parë, Rama firmosi shkarkimin e kryebashkiakut të arrestuar të Lushnjës, Fatos Tushe.

Tushe dhe 10 zyrtarët e tjerë u arrestuan me urdhër të SPAK, pasi akuzohen se kanë shpërdoruar me detyrën për një tender të dhënë ndaj një kompanie, pa iu referuar procedurave.

Top Channel